______1. Kitang-kita mo na may inaabot sa kaibigan mo ang isang mag-aaral sa ibang section. Kilala mong ito'y naninigarilyo. Alam mo rin na siya'y sinusubaybayan ng mga guro. Alam mo ring pag may nahuling naninigarilyo, may parusang inilalapat dito. Nang araw na makita mo silang nag-aabutan ng pakete, may nakapagsabi sa guro nyo. Kaya't sa loob ng klase nagkaroon ng
apkapan. Alam mo ang posibleng mangyayari. Ano ang nararapat mong gawin ?

A. Magmamaang-maangan na wala kang nakita
B. Sabihin sa guro ang nasaksihan upang makatulong sa imbestigasyon at hindi na
madamay pa ang iba.
C.Wag nang sabihin sa guro sapagkat madadamay lang ang iyong kaibigan D. Gayahin ang kaibigan na nahikayat na manigarilyo.

_____2. Kasisimula lamang ng unang linggo ng pasukan. Sa pagsisimula ng bagong baitang, marami rin pagbabago ang kinakailangan mong harapin. Isa na rito ang paghihiwa-hiwalay ninyong magkakaibigan dahil nagkaroon ng pagbabago sa inyong pangkat na papasukan. Dahil dito, lubhang nalungkot ang isa mong kamag-aral at sinabi niyang ayaw na niyang pumasok sa paaralan. Ano ang magiging pananaw mo sa kanyang inasal?

A. Lubha rin akong malulungkot at makikiusap sa dating guro na ibalik nalang sa dating pangkat.
B. Gagayahin ang kamag-aral at hindi na rin papasok sa paaralan.
C. Tatanggapin ng bukal sa loob ang naganap na pagbabago at ipapaliwanag sa kamag-aral ang positibong epekto ng pagbabagong ito.
D. Hindi na lang mag-aaral nang mabuti dahil nawala ka sa nais mong pangkat.

_____3. Dahil sa marahas na nagaganap ngayon sa Marawi City, maraming haka-haka ang naglalabasan ngayon tungkol sa posibleng pag-atake ng Maute group sa Metro Manila. Maraming naglalabasang babala tungkol sa pag-iwas sa matataong lugar lalo na ang mga pook pasyalan tulad ng mall dahil sa posibleng ito ang kanilang tumbukin. Ano ang nararapat mong gawin tungkol sa impormasyong ito?

A. Matatakot ako ng sobra –sobra dahil sa balitang ito.
B. Hindi na ako lalabas ng bahay at magmumukmok nalang ako.
C. Kahit ito’y babala lamang, mainam parin ang mag-ingat. Hindi muna ako tutungo sa
matataong lugar at mag-iisip na lamang ako ng ibang mapaglilibangan.
D. Hindi ko ito papansinin.

_____4. Patakaran sa inyong paaralan ang hindi pagdadala ng cellphone kung hindi naman ito kailangan. Ikaw ang may pinakamagandang unit ng cellphone sa inyong magkakaibigan. Kinukulit ka nilang dalhin ito dahil nais ninyong makapagselfie sa mga bago ninyong kamag-aral. Ano ang magiging desisyon mo ukol dito?
A. Dadalhin mo ito dahil gusto mo ring magpasikat sa bagong kamag-aral.
B. Lihim mo itong dadalhin sa paaralan kahit ipinagbabawal upang matuwa sa iyo ang iyong mga kaibigan C. Magsisinungaling sa guro na pinapadala ng iyong nanay kahit hindi naman D. Hindi nalang ito dadalhin sa paaralan kapag hindi naman kailangan at gagamitin lamang ito sa kapakipakinabang na paraan.

_____5. Si Harris ay isang batang masipag mag-aral. Araw-araw wala siyang ginagawa kung hindi magbasa at mag-aral. Subalit isang araw, nabalitaan niya na nagkakalat ng maling balita ang kaniyang kaibigan. Ipinagkakalat daw nito na kaya matataas ang kaniyang marka ay dahil siya ay nangongopya lamang sa kaniyang matalinong katabi. Ano sa palagay mo ang nararapat na gawin ni Harris tungkol sa balitang ito?

A. Huwag nalang pansinin ang balitang ito subalit labis na magdadamdam sa kaibigan.
B. Awayin ang kaibigan dahil sa pagkakalat nito ng maling balita.
C. Kalmahin muna ang sarili, kausapin ang kaibigan nang maayos tungkol sa nababalitaang ito saka magkaroon ng nararapat na desisyon.
D. Isumbong agad sa magulang ang nabalitaan kahit hindi pa naman napapatunayan.