0 C. Maliban sa mga awiting-bayan ang mga bulong ay isa pang yaman ng ating katutubong panitikang pasalindila. Ito'y ginamit ng ating mga ninuno noon subalit magpahanggang ngayon, ang bulong at tinatawag ding orasyon. Binibigkas pa rin ng maraming kababaihan lalo na sa probinsya o lalawigan Karaniwang sinasambit ito sa pagpapasintabi kapag naparaan sa tapat ng isang punso, sa kagubatan, sa tabing-ilog at sa iba pang lugar na pinaniniwalaang tirahan ng mga engkanto, laman-lupa o maligno. Binibigkas ang bulong para mabigyang babala ang mga nilalang na hindi nakikita na magdaan, upang maiwasan silang matapakan o masaktan. Gumagamit din ng bulong ang mga albularyo sa kanilang panggagamot. May bulong na binibigkas sa pagtatawas para gumaling ang isang nausog, sumakit ang tiyan at iba pa. May bulong din para sa paggamot sa isang nakulam, namaligno,o napaglaruan ng laman- lupa. Sa maraming bahagi ng bansa lalo na sa mga lalawigan ay nakagawian na ang pagsambit sa mga bulong. Ito'y isang bahagi ng ating kulturang patuloy pa ring isinasagawa lalo na sa mga nakatatanda hanggang sa kasalukuyang panahon. Sumulat ng sariling maikling bulong at ilagay ito sa loob ng kahon sa ibaba.​